.webp)
الحياة مليانة مواقف ومفاجأت، زى ما فى الحلو في منها الصعب أو الوحش، من الطبيعي ان اي علاقة فيها شريكين يتعرضوا لمواقف في الحياة عموماً وكل شريك بيبقى محتاج شريكه جمبه ويساعده أو يهون عليه، ممكن الموقف يكون بسيط زي انه يدور معاه علي مفتاح الشقة وممكن يكون الموقف كبير زي ان شريك فقد حد من عيلته.
الحياة مليانة مواقف ومفاجأت، زى ما فى الحلو في منها الصعب أو الوحش، من الطبيعي ان اي علاقة فيها شريكين يتعرضوا لمواقف في الحياة عموماً وكل شريك بيبقى محتاج شريكه جمبه ويساعده أو يهون عليه، ممكن الموقف يكون بسيط زي انه يدور معاه علي مفتاح الشقة وممكن يكون الموقف كبير زي ان شريك فقد حد من عيلته.
لما بنحس اننا مش لوحدنا وان شركائنا دايماً معانا وفي ضهرنا ده يعتبر مفتاح الحب والدفا والأمان فى اى علاقة، ده احساس ممكن يظهر اكتر في البدايات، بس احنا كشركاء حياة بنكون محتاجين الدعم والمساعدة طول الوقت. وعادي جداً أننا نطلب ده، نطلب مساعدة أو حتى حضن، بس احياناً بنحسبها غلط أو بنتخيل ان شركائنا هيحسوا بكل حاجة من غير ما نتكلم أو نطلب منهم.
وحتى لو شريكك حس انك مش تمام او فيك حاجه متغيرة وحب انه يغير مودك، ممكن يعمل حاجات تكون انت مش محتاجها فى الوقت ده، وغصب عنه وبحسن نية عمل كده لانه مش عارف انت محتاج ايه دلوقتي بالظبط، ولأن كل موقف بيعدي علينا بنكون محتاجين فيه دعم بطريقة مختلفة على حسب الموقف نفسه، بس احياناً بيكون صعب علينا شوية اننا نتكلم ونقول انا محتاجك جنبي دلوقتي؟ ومش عارفين نعبر
هتلاقي فيه خطوة ع الابليكيشن ليال اسمها 'القلق بياكل في قلبي' اللي بتساعدنا نشارك مشاعرنا الصعبة ونتعلم ازاي نطلب الدعم اللي محتاجينه من شركاء حياتنا، دي فرصة كبيرة لكل واحد فينا يفهم نفسه ويعرف يتواصل مع اللي حواليه بشكل أحسن مع الوقت
خد وقتك وفكر فى اى حاجة أو موقف محتاج شريكك يساعدك فيه، وهنساعدك بـ 4 خطوات ممكن تعملهم أو تجاوب عليهم علشان تسهل عليك شوية انك تطلب من شريكك مساعدته.
فكر في الموقف اللي حصل معاك، وانت محتاج من شريكك مساعدة تكون ازاي، يا تري محتاج حضنه علشان تعيط فيه ويحتويك؟ ولا محتاج انه يقعد يسمعك ويفكر معاك في حل؟ ولا محتاج شريكك يقولك ايوه صح القرار ده ويأكدلك أنك خدت القرار الصح أو يناقشك فيه؟ اكتب دلوقتي الإجابة علشان تقدر تنظم أفكارك. فكر في الإجابة دي واسمع حلقة 'متفوتنيش أنا وحدي'، على الابليكيشن علشان تفهم أكتر ازاي تتواصل مع شريك حياتك بطريقة تخليكم توصلوا لحلول سوا وتبقوا في ضهر بعض في القرارات الكبيرة
نفترض ان دلال محتاجة لشريكها دلوقتي، لانها حاسه بتعب وإرهاق وفي نفس الوقت متوترة من قرارها، دلال حاسة انها فكرت غلط لما قررت تنزل الشغل تاني بعد ما كانت بقالها 5 سنين مش بتشتغل، وطبعاً بقت بتبذل مجهود اكتر من اللي كانت متعودة عليه، هي دلوقتي محتاجة تقعد مع شريكها وتفكر معاه بصوت عالي، ومحتاجه انها تتطمن أن قرارها كان صح فعلاً وشوية تعب فى الأول وهيروحوا وخلاص ولا القرار كان غلط من البداية، وده شعور طبيعي جداً اى حد ممكن يحس بيه.
فكر إزاى تقول لشريكك اللى انت محتاجه، بكل وضوح، الأسئلة اللي فى الخطوة الأولي هتساعدك في ترتيب أفكارك، من أول تحديد المشكلة اصلاً ايه لحد انت محتاج ايه بالظبط من شريكك علشان يقدر يساعدك.
بالنسبة لدلال ممكن تقول لشريكها، انا مبسوطة أوي يا حبيبي اني رجعت الشغل اخيراً، بس ساعات بحس اني مرهقة أوي ومش قادرة أعمل كل حاجة، وكتير بلوم نفسي وأقول انا شكلي كده خدت قرار غلط ما كنت قاعدة مرتاحة وكله تمام، مع العلم ان انا حاسة ان كل ده تحدي واني هقدر اظبط الدنيا في شغلي والبيت، بس في نفس الوقت مش عارفة ومحتارة!
انت رأيك ايه يا حبيبي، ممكن تقولي انا فعلا خدت خطوة صح اني رجعت انزل الشغل تاني ولا لا؟
فكر ازاى تقدر شريكك وتعلمه ازاي يتعامل معاك في مواقف مختلفة، علشان يقدر يساعدك بالطريقة اللي ترضيك واللي انت محتاجها فعلاً. متنساش ان صوابعك مش زي بعضها يعني كلنا طريقتنا بتختلف في التعامل مع المواقف أو المشاكل، في منا اللي بيحب يهزر ويضحك اللي قدامه علشان يفك شوية، وفي اللي بيتصرف بجدية أوي، وفي كمان المندفع.
كل دي طرق مختلفة من مساعدة شركائنا لينا ، كل دي طرق مختلفة من مساعدة شركائنا لينا بس المهم اننا نقدرها يعني التقدير رمانة الميزان، جرب اسمع حلقة ع الطاير ممكن قدر تتقدر علشان تعرف تعملها إزاي، وخليك فاكر إن التقدير ممكن يكون في أبسط صوره انك بس تقول شكراً زي " شكراً يا حبيبي أنك كنت معايا وحاولت تساعدني".
حتى لو شريكك كان مش عارف يساعدك إزاى أو كلامه كان في نقد كتير، انت اللي هتقدر تعلمه ازاى يتعامل معاك بمجرد ما تقدر اللي بيعمله علشانك وتقوله شكراً إنك بتحاول تساعدني، بس للأسف مش ده اللي محتاجه دلوقتي، وتبدأ تتكلم عن اللي انت محتاجه بكل وضوح.
وخليك فاكر ان مش معنى انك علمت شريكك ازاى يتصرف معاك في الموقف ده ان كده عمره ما هيكررها تاني ويتصرف غلط! لان ممكن يحصل تاني ويقدملك دعم مش مناسبة ليك، بس دورك هنا انك تعلمه ازاى يتعامل معاك في الموقف ده لانكم شركاء حياة فمفهاش حاجة لو رجعت تاني علمته ووضحتله من وقت للتاني ازاي يتعامل معاك في الموقف ده بالذات.
اخيراً بعد ما هتخلص كل الخطوات اللي فوق مهم جداً انك تمارسها باستمرار مع شريكك، مرة في مرة هتتعود وهتتعلم ازاى تحدد اللي انت محتاجه من شريك، وإزاى تقوله، وازاى تقدر مساعدته ليك علشان في الأخر توصل للمساعدة والدعم اللي محتاجهم فعلاً.
.webp)
