كتير مننا وقت الخلافات والمشاكل مش بيشوف قدامه ولا بيفكر في اللي بيقوله، بنتكلم بتلقائية وبننسى نفكر في كلامنا وقت العصبية كتير مننا وقت الخلافات والمشاكل مش بيشوف قدامه ولا بيفكر في اللي بيقوله، بنتكلم بتلقائية وبننسى نفكر في كلامنا وقت العصبية والتوتر، ممكن كمية التنشنة والنرفزة اللي جوانا تخلينا نصرخ أو نزعق واحنا بنقول وجهة نظرنا، وفي مننا نوع تاني بيحب يتجنب أي حاجة بتحصل مع شريكه وياخد جمب لوحده، على أساس ان كده الدنيا بتهدي ولا كأن فى حاجة حصلت، بس الحقيقة دي طريقة بتعصب أكتر وبتزود جوانا النرفزة وفي كل مرة بنكتم جوانا غضبنا المشاكل بيننا وبين شركائنا بتكبر أكتر وممكن تقوم خناقة على أكثر وبتزود جوانا النرفزة وفي كل مرة بنكتم جوانا غضبنا المشاكل بيننا وبين شركائنا بتكبر أكتر وممكن تقوم خناقة على أتفه الأسباب.
طب ماتيجو نعرف إزاى نعبر عن غضبنا ونقول اللى بنحس بيه وقت الخلاف بيننا وبين شركائنا بدل ما يحصل كل ده؟
جرب تبدأ الكلام دايماً بأحساسك، يعني تقول انا حاسس بـ كذا وكذا، وقتها هتبقى بداية حلوة وناعمة جداً في النقاش مع شريكك لأنك بتعبر عن احساسك ومشاعرك تجاه موقف معين.
حاول وانت بتتكلم عن اللى حاسس بيه تقول "أنا مش أنت" بمعني انك، متخليش شريكك يحس انه محتاج يهاجمك أويدافع عن نفسه ولغة التواصل بينكم تكون خناق وزعيق، لو جربت تقول انا حاسس بـ كذا وكذا هيكون أحسن بكتير من انك تقول أنت عملت كذا وكذا، لما هتتكلم وتعبر عن مشاعرك وإحساسك وقتها هيبقى في مساحة للكلام بحب ودفى من غير لوم وعتاب.
انا حاسس، جملة بنقولها كتير بس مش واخدين بالنا من سحرها، لانها كلها مشاعر وبتعبر عن اللى جوانا، بتساعدنا نتواصل بطريقة ألطف مع شركائنا، أنهم يسمعونا بقلبهم ويحسوا بينا اكتر ما يكونوا رد فعل للكلامنا.
وقت الخلاف والتنشنة بنكون متوترين ومش عارفين نتكلم ونعبر عن كل اللى جوانا في نقط محددة، بس ايه رأيكم لو نستخدم الإنترنت كوسيلة تساعدنا في ترتيب الكلام والمشاعر، لما هتبعت رسالة لشريكك وتقوله عن اللى جواك واللى مزعلك وجمبها تحط ايموجي قلب احمر وقتها هيفهم انك مش بتتخانق معاه وانك بتتكلم عادي، ممكن دي تكون خطوة حلوة لفتح كلام بينكم أو حاجة تلطف الدنيا شوية لحد ما تقعدوا سوا وتتواصلوا اكتر.
جربت تلعب لعبة تساعدك تسمي مشاعرك قبل كده عشان تعرف تعبر عنها؟ كمل على الابلكيشن خطوة مكتوبة في 'إزاي تسمي مشاعرك" وامشي مع خطواتها علشان تتعلم توجهها بشكل أحسن بكتيير. الألعاب اللي زي دي بتساعدنا نفهم نفسنا أكتر عشان يكون تواصلنا مع شركنا سلس وناعم
ومتنساش ان الجدال أو التنشنة دي حاجة طبيعية جداً بين أي شريكين حياة، بس احنا هدفنا اننا نتعلم ازاى نتواصل مع بعض بطريقة تقوي علاقتنا من غير ما نجرح أو نزعل بعض بكلام مالوش لازمة، بمجرد ما نقول اللى بنحس بيه ونبطل نرمي اللوم والهجوم على شركائنا وقت النقاش الدنيا هتبقي أهدي وألطف.
في بداية اى قصة حب وتحديداً في المقابلات الأولى، بيبقى عندنا شغف وطاقة اننا نسمع شركائنا ونعرف عنهم كل حاجة وممكن ندخل في نقاش طويل ويبقى على قلبنا زي العسل، لان بالنا بيبقى طويل وخلقنا واسع عشان كده، تعارف في فتح كلام في ابلكيشن ليال هيساعدك كتير في الأول تعرف شريكك أكتر، ليه؟ لأنه فيه أسئلة كتير زي لعبة بينك وبين شريكك تخليكم أقرب لبعض بالتدريج، وكده نقدر تقدر تستمر في الانبساط بالمشاعر الجميلة دي لفترة طوووويلة.
أول ما بنقع في الحب ونفتكر اننا شبعنا منه العلاقة بتبقى روتينية شوية، وبنبقى مش شايفين عيوب شركائنا أو الاختلافات اللى بيننا بصورة واضحة، وعلشان نرجع طاقتنا اللى كانت في حلاوة البدايات محتاجين نعمل ريفريش لعلاقتنا بشركائنا.
حياتنا بتبدأ تستقر في شكل معين وكأننا بنلف في دايرة مقفولة بنفكر و شاغلين دماغنا طول الوقت بـ ( الشغل، البيت، العيال، المصاريف….إالخ ) واكيد كل ده بيسبب لنا ضغط عصبي لان حتى مخزون الحب اللى كان جوانا اتشال على الرف،
رباب وعمر متجوزين بقالهم 3 سنين، ومستنين أول بيبي في السكة، بس قبل ولادة رباب بأسابيع عمر كان مسحول في الشغل وفي نفس الوقت كان حاسس بالذنب انه سايبها في الوقت ده وهي محتاجة جداً ليه، راح كلم مامته تروح تقعد مع رباب في الوقت اللى هو مش موجود فيه من غير ما يتفق مع رباب أو حتى يعرفها.
رباب كانت في منتهى العصبية وكانت بتزعق وتقوله انت متسرع ومتهور ومش بتفكر والموضوع كبر بينهم فكلمت صاحبتها وحكت لها ان اللى عمر عمله ده، عدم احترام ليا وانه بيعاملني كأني طفلة صغيرة ولازم حد معاها كأنه واجب، وانا ماكنتش عايزة غيره هو يكون معايا انا كنت محتاجاه هو مش اى حد تانى.
عمر كان لازم يشارك ويتواصل مع رباب في اللي حاسه وبيفكر فيه و يتناقش معاها قبل اى قرار ياخده بدل ما يتصرف من دماغه لوحده، أما رباب رد فعلها كان ممكن يكون اهدي من كده و توصل مع عمر لحل يرضيها، بدل ما تزعق وتقول كلام ملوش لازمة.
اللي حصل عموماً نتيجة قلة التواصل بين عمر و رباب، لو بس رباب كانت تعرف مشاعره وخوفه عليها واحساسه بالذنب كانت اكيد هتقدر تصرفه، لو عمر سمع رباب وفهم هي محتاجه ايه في الوقت ده كان قدر يرضيها ويظبط أموره.
ممكن تستخدم جملة " انا حاسس بـ" كطريقة للتواصل مع شريكك بشكل احسن خصوصاً وقت التنشنة، جرب الـ 5 خطوات دول في اى مرة حصل فيها مشكلة أو خلاف بينك وبين شريكك، ممكن وقتها الدنيا تبقى أروق.
1- اختار الوقت المناسب للنقاش، ويفضل تختاره مع شريكك وممكن تعمله في التقويم عندك على الموبايل علشان تفتكر.
2- خلوا الحوار رايح جاي بينكم واسمعوا بعض كويس.
3- اتكلم عن مشاعرك واللي انت حاسه وبلاش طريقة الاتهامات وانك ترمي الكرة في ملعبه علشان يكون نقاش دافي.
4- أتكلم في نقطة نقطة، بلاش ندخل في مواضيع كتير ونتكلم في القديم والجديد ونحسس شريكنا اننا شايلين ومعبين منه، علشان هو كمان يقدر يكمل النقاش معانا ونوصل لحل.
5- اخيراً، الحضن بيعمل معجزات، احضنه جامد وحسسه بحبك ليه وطمنه وقتها التوتر والعصبية مش هيكون لها مكان بحضن كله مشاعر دافية وحب.
